黃金聯賽中國系列賽，全名 Golden Trail National Series China Series Hong Kong Station，今年度首次來到中國，設有四個分站賽，分別為柴古唐斯括蒼越野賽 26K 、Salomon 100 香港動力挑戰賽 25K 、溫嶺黃金海岸跑山賽 36K 以及柴古唐斯九峰越野大師賽 。只要在這 4 場賽事參加 2 場分站賽，在最終成績積分排進總排名前 30 名，便能受邀參加中國系列賽年度總決賽 - 四姑娘山雲間花徑越野跑 22K 組，前五名將獲奬金。

黃金聯賽世界系列賽 Golden Trail World Series (Credit : Elton Lam)

黃金聯賽國家系列賽 Golden Trail National Series  （簡稱 GTNS）較多短途賽，大約在 20K 至 50K 內，對於速度要求更高。黃金聯賽中國系列賽第二個分站賽，Salomon 100 香港動力挑戰賽 25K 即將於 2 月 25 日舉行，不少跑手慕名而來，陸卓廷 Plato，本屆四徑首名完成者廖科樂亦會參加，至於林成業（火車頭）不會參賽，他負責籌備及賽前相關工作。

（左）林成業、（中）廖科樂、（右）陸卓廷 Plato (Credit : Elton Lam)

知名越野跑教練陸卓廷 Plato 指此次有三大特點吸引他參加比賽。一、能在香港本地與外國及大陸精英越野跑手同場競技，「有啲新嘅衝擊，平時都係同香港本地人嘅比賽」，此場賽事特邀許多精英級選手，Plato 指：「我哋未必夠佢哋鬥，但我哋本土可以靠隊制，依靠唔同嘅隊友去合作。」二、 賽道上經典得來有轉折，「都跑到熟悉，但係佢（賽道）調返轉，少啲比賽係冇草針，通常都係順著佢針草帽，所以策略上會有啲不同。」三、積分制度，他認為這是吸引到越野跑手參賽的因素。

陸卓廷 Platot 期待與新的衝擊 (Credit : Elton Lam)

今屆四徑最快完成者的廖科樂在比賽中身兼兩職，他身為 R33 隊長同時亦是 Team Salomon 成員，他形容這個賽事「值得去玩」，「本身一直以嚟都係外國先至會有 Golden 賽，我覺得佢身為一個國際賽事，係香港有分站係一件好難得、好好嘅機會。」亦開玩笑指：「最緊要近我屋企。」短速賽事，加上選手水平較高，他自身參賽之餘亦呼籲自己的學生報名參賽，首次以「教練」的身份與學生一同參賽，他非常期待。不過參加完四徑的巨大負擔到現在仍未回復完成，「依家都係痛，行路都痛」，在臨近比賽前他會盡力做恢復和針灸，他有信心能完成賽事。

廖科樂首次以「教練」的身份與學生一同參賽 (Credit : Elton Lam)

據負責籌備的林成業（火車頭）透露，Salomon 一直很想要在香港舉行黃金聯賽的分站賽，原定比賽會是 9 月舉行，然而黃金聯賽總決賽定在 4 月，正常應該是完成分站後才會到總決賽之前，故此比賽日期提早至 2 月，「我一向都有同 Salomon 搞賽事，咁啱佢問我有冇期，」香港預約場地需時 9 個月，而且幾乎每個星期都會有比賽，換言之突然要在 5 月前舉行比賽幾乎是不可能的任務，「所以係 50 公里嘅位置撥啲名額出嚟。」最終便促成了此次的香港分站。

林成業負責籌備及賽前相關工作 (Credit : Elton Lam)

臨近比賽僅有一星期，林成業建議參賽者可以多練練龍門郊遊徑，雖然只有短短 5K，但他形容該路段「可跑性又高但又難又幾 Technical⋯⋯你重複跑多幾次，你會發覺你腳感會好啲。」 Plato 認為四方山是這場比賽特別要留意的地方，上去容易落去難，「因為佢係崎嶇啲，上就會安全啲，但係調返轉落就會 Technical 好多，平時我都係上去，依家落嘅話技巧上會唔同。」廖科樂亦分享 Tips，「體力分配要做得好好，配速要控制得好」﹐他指前段的龍門郊遊徑上到大帽山連姐位置分配好時間和速度的話，能夠順利完賽的可能性非常高。Plato 亦提醒大家，到第一個 CP 差不多 10K，到達大帽山連姐處時記得補給，「如果唔係就捱不住了。」

 (Credit : Elton Lam)